Қозоғистон президенти 9 май паради учун Москвага бормаслиги маълум қилинди

Фото: gov.kz

Қозоғистон президенти Қосим-Жўмарт Тўқаев ғалаба куни муносабати билан Москвага ташриф буюриши режалаштирилмаган. Бу ҳақда Қозоғистоннинг Россиядаги элчиси Ермек Кошербаев маълум қилди.

"Ташриф режалаштирилмаган", - деди у.

Унинг аниқлик киритишича, байрам тантаналарида дипломатик корпус вакиллари иштирок этади.

Аввалроқ Россия президентининг матбуот котиби Дмитрий Песков ғалабанинг 76 йиллиги юбилей санаси бўлмагани боис хорижий давлатларга махсус таклифномалар юборилмагани, аммо қўшни ва иттифоқчи мамлакатлар раҳбарлари хоҳишлари бўлса тантаналарда қатнашишлари мумкинлигини айтганди.