Ўзбекистонда яшаётган турли миллатлар вакиллари ўз фарзандларига энг кўп қайси исмларни қўяяпти?

2021 йилнинг 8 ойида Ўзбекистонда 54 660 нафар ўзга миллатга мансуб чақалоқ дунёга келди, шундан 23,3 минг нафари – тожик бўлиб, уларга Муҳаммадали ва Мустафо исмлари энг кўп қўйилган. Туркман ва уйғур болаларга Муҳаммад, рус чақалоқларга София, қозоқ чақалоқларга Алихон исми энг кўп қўйилган.

2021 йилнинг январ-август ойларида Ўзбекистонда яшовчи бошқа миллат вакилларининг умумий 54 660 туғилиш ҳолати қайд этилди, деб маълум қилди ДХА.

Давлат хизматлари агентлиги хабарига кўра, энг кўп – 23,3 минг туғилиш тожик миллатига тўғри келади. Охирги 8 ойда тожик чақалоқларга қўйилган энг асосий исмлар Муҳаммадали ва Мустафо исмлари бўлди.

Кейинги ўринларда қозоқ ва қирғиз миллатига мансуб чақалоқлар кўп туғилган.

Қозоқ чақалоқлар учун – Алихон;
Қирғиз чақалоқлар учун – Солиҳа;
Туркман чақалоқлар учун – Муҳаммад;
Рус чақалоқлар учун – София;
Татар чақалоқлар учун – Амир;
Уйғур чақалоқлар учун – Муҳаммад;
Корейс чақалоқлар учун Марк исми кўп танланган.

Эслатиб ўтамиз, Ўзбекистонда 2021 йилнинг январ-июн ойларида жами 391 258та туғилиш қайд этилган. 2021 йилнинг дастлабки 3 ойида Ўзбекистон бўйича янги туғилган ўғил болаларга Муҳаммадали исми, қизларга эса Солиҳа исми энг кўп қўйилгани хабар қилинганди.