Қўшимча функционаллар
-
Тунги кўриниш
Ўзбекистон | 11:03 / 28.10.2021
14776
1 дақиқада ўқилади
Ўзбекистонда йирик калибрли пулемёт билан жиҳозланган ва масофадан бошқариладиган жанговар модул ишлаб чиқарилди
Ўзбекистонда масофадан бошқариладиган жанговар модул ишлаб чиқариш бўйича лойиҳа амалга оширилмоқда. Бу ҳақда Мудофаа саноати бўйича давлат қўмитаси матбуот хизмати хабар берди.
Фото: Мудофаа саноати бўйича давлат қўмитаси
Қайд этилишича, масофадан бошқариладиган жанговар модул Мудофаа саноати давлат қўмитаси тасарруфидаги корхоналардан бирида ишлаб чиқарилди.
Соҳа мутахассислари томонидан маҳсулотнинг барча конструкторлик-техник ҳужжатлари ишлаб чиқилгани айтилади.
Маълум қилинишича, улар асосида йирик калибрли пулемёт ҳамда замонавий электрон-оптик кузатув ва нишонга олиш мосламалари билан жиҳозланган жанговар модулнинг тажриба намунаси ишлаб чиқилди.
Мудофаа саноати давлат қўмитаси маълумотига кўра, модул шу кунларда завод синовларидан ўтказилмоқда.
Kun.uz янгиликларини Google News'да кузатинг
+ Обуна бўлиш