AKFA Университетида 2022-2023 ўқув йили учун абитуриентлардан ҳужжатларни қабул қилиш жараёни 10 январдан 20 август кунига қадар давом этади. Ҳужжатлар тўлиқ онлайн қабул қилинади.
Мавжуд йўналишлар:
- Даволаш иши (дастлабки 2 йил 21 млн ва 3-курсдан 29 млн сўм);
- Фармакология (21 млн сўм);
- Стоматология (21 млн сўм);
- Олий ҳамширалик иши (10 млн сўм);
- Бухгалтерия ва молия (14,5 млн сўм);
- Иқтисодиёт (13,5 млн сўм);
- Амалий математика (12 млн сўм);
- Инглиз тили (12 млн сўм);
- Қурилиш муҳандислиги (13,5 млн сўм);
- Архитектура ва дизайн (13,5 млн сўм);
- Компьютер муҳандислиги (13,5 млн сўм);
- Дастурий таъминот муҳандислиги (13,5 млн сўм);
- Тижорат ҳуқуқи (12,5 млн сўм);
- Журналистика (12,5 млн сўм);
- Рақамли маркетинг (12,5 млн сўм);
- Стартап менежменти (12,5 млн сўм);
- Халқаро бизнес (12,5 млн сўм).
Барча йўналишлар учун нархлар бир семестр учун кўрсатилган, тўловларни қисмларга бўлиб амалга ошириш мумкин.
2022-2023 ўқув йили учун қабул шартлари билан танишиш ва рўйхатдан ўтиш учун: akfauniversity.org/local-admission
Кириш имтиҳонлари 7 февраль, 7 март, 7 апрель, 7 май, 7 июнь, 7 июль ва 25 август кунлари бўлиб ўтади. Грант ўринларига имтиҳон 7 июль куни бўлиб ўтади.
Онлайн аризани тўлдириш жараёнида қуйидаги ҳужжатларнинг электрон нусхаси талаб этилади:
- шахсни тасдиқловчи ҳужжат (паспорт);
- ўрта ва ўрта махсус таълим ҳақидаги ҳужжат (шаҳодатнома ёки диплом);
- 3,5×4,5 фотосурат;
- IELTS (факультетга қараб камида 5.0 ёки 5.5 балл) ёки унинг TOEFL ёки Duolingo English Test эквиваленти.
