Рўйхатга расман тасдиқланган лойиҳалар ҳамда қурилиш майдонларини тайёрлаш ишлари аллақачон бошланган бинолар киритилган. Бундан ташқари, қурилиши бошланган, бироқ кейинчалик тўхтатиб қўйилган осмонўпар бинолар ҳам ўрин олган.
Rise Tower, Саудия Арабистони
Лойиҳага кўра, унинг баландлиги 2000 метрни, қаватлар сони эса 678 тани ташкил этади. Шу тариқа, у Дубайдаги Бурж Ҳалифадан икки баробардан ҳам кўпроқ баланд бўлади.
Лойиҳа Буюк Британиянинг Foster + Partners архитектура бюроси томонидан ишлаб чиқилган ва Саудия Арабистони Суверен жамғармаси томонидан қўллаб-қувватланмоқда. У Ар-Риёднинг шимолий қисмида қурилиши режалаштирилган, майдони 306 квадрат километр бўлган North Pole мегаполисининн марказий иншоотига айланади.
Oblisco Capitale, Миср
Oblisco Capitale — Мисрнинг янги маъмурий пойтахтида барпо этилиши режалаштирилган, қурилиши расман маъқулланган лойиҳа. Унинг баландлиги 1000 метрга тенг бўлади.
Лойиҳа 2018 йилда Egypt Vision 2030 миллий стратегияси доирасида тақдим этилган. У Мисрнинг архитектура ва иқтисодий ривожланиш соҳасидаги улкан мақсадларини, шунингдек, сайёрадаги энг баланд иншоотни қуриш орқали мамлакатнинг халқаро мавқеини мустаҳкамлашга интилишини акс эттиради.
BUMN Tower, Индонезия
BUMN Tower — Индонезиянинг янги пойтахтига айланиши режалаштирилган, ҳозирда ривожланиш босқичида бўлган Нусантара шаҳрида қурилиши мўлжалланган, 156 қаватли осмонўпар бино лойиҳаси. Бинонинг баландлиги 745 метрни ташкил этади.
