Таъкидланишича, ўтган йил якунига кўра вилоятда жами 91 та йўловчи ташиш йўналишлари мавжуд. Уларнинг 7 таси янги очилган ҳамда 6 та автобус ва 18 та Damas машиналари жойлаштирилган. 2021 йилда вилоятда юк айланмаси 1 320,6 млн.тн/км, йўловчи ташиш айланмаси эса 14 444,4 млн.йўловчи/км.ни ташкил этган.
Шунингдек, 2021 йилда бошқарма томонидан ноқонуний йўловчи ташиш ҳолатларини аниқлаш бўйича қарийб 600 маротаба рейд тадбирлари ўтказилган. Уларда 1 814 та лицензиясиз йўловчи ташиш ҳолатлари аниқланган.
Матбуот анжуманида бошқарма раҳбарияти томонидан Навоий шаҳридаги йўловчи ташиш билан боғлиқ муаммоларга ҳам жавоб қайтарилди. Хусусан, вилоят марказида Damas машиналаридан босқичма-босқич воз кечилиб, уларнинг ўрнига микроавтобус ва автобуслар қатнови йўлга қўйилиши режалаштирилаётгани маълум қилинди.
