Ўзбекистон ташқи олтин бозорларида Россия билан рақобат қилмайди

Ўзбекистон ташқи бозорларда Россия олтинининг ўрнини эгаллаш ниятида эмас. Бу ҳақда инвестициялар ва савдо вазири ўринбосари Шуҳрат Вафоевнинг сўзларини келтирмоқда РБК.

Қайд этиб ўтиш керак, 2021 йилда Ўзбекистон ва Россия бу қимматбаҳо металл экспортчилари орасида жаҳон етакчиларидан бўлишган. РБК маълумотларига кўра, санкциялар туфайли Россиянинг олтин ишлаб чиқарувчи компаниялари ўз маҳсулотини реализация қилишда қийинчиликларга дуч кела бошлаган.

«Олтин бозори етарли тарзда ўзига хос саналади, биз сотаётганимиздан кўпроқ ишлаб чиқарамиз. Ўзбекистонда бугунги кунда ишлаб чиқарилаётган олтин тўлиқ Марказий банк томонидан харид қилинади ва олтин-валюта захираларимизнинг бир қисми ҳисобланади. Яъни, қандайдир маркетинг бўлиши ва биз маълум бир мақсадда катта олтин бозоридаги қандайдир бўш ўринни эгаллашга интилмаймиз», — деган Вафоев.

Ўзбекистон бир йилда 100 тоннага яқин олтин ишлаб чиқаради. Бу ҳолатда Ўзбекистон Марказий банкига маҳаллий аффинирланган олтиннинг барчасини харид қилиш учун устун мавқе тақдим этилган. Марказий банкнинг халқаро захираларининг 60 фоизи олтин улушига тўғри келади.

БМТ статистикасига кўра, 2021 йилда Ўзбекистон хорижга 4,1 млрд долларлик олтин сотган. Бу қимматбаҳо металл мамлакат экспортининг 29 фоизини ташкил этган, дея маълумот берган Fitch агентлиги.

2022 йилнинг февралидан Ўзбекистон экспорт структурасида олтиннинг улушини кескин кўпайтирган. Январдан март ойигача Ўзбекистон хорижга 2,9 млрд АҚШ долларига олтин сотган, асосан узоқ хориж давлатларига. Қимматбаҳо металл умумий экспорт ҳажмининг 52 фоизини ташкил этган, деб хабар беради SNG.Today Ўзбекистон давлат статистика қўмитаси маълумотига таянган ҳолда.