Россия сайтлари Белгородда чегарачилар Украина томондан ўққа тутилганини ёзди
Рус ОАВлари «Shot» Telegram-каналига асосланиб ёзишича, Россиянинг Белгород шаҳрида чегарачиларга Украина томондан ҳужум уюштирилган.
Хабарда айтилишича, чегарадан 400 метр узоқликда жойлашган чегарачилар автомобили ўққа тутилган. Унинг ичида бўлган бир киши ҳалок бўлган, яна уч киши касалхонага тушган.
Иккинчи машина ўққа тутилиши оқибатида ҳеч ким жабрланмаган, фақат машина зарарланган. Машиналардан бири гранатомётдан ўққа тутилгани айтилган, яна бирига эса дрон ёрдамида портловчи модда ташланган.
3 июл куни Россиянинг Украина билан чегарада жойлашган Белгород шаҳрида давомли портлашлар содир бўлган, оқибатда 4 киши ҳалок бўлганди. Украина президенти Володимир Зеленский украин ҳарбийлари Россия ҳудудида ҳарбий ҳаракат олиб бормаётганини айтган, шу билан бирга, Украина Миллий хавфсизлик ва мудофаа кенгаши агар оператив вазият талаб этгудек бўлса, ҳарбий ҳаракатлар Россиянинг чегарадош ҳудудларига кўчиши мумкинлигини истисно этмаганди.
Мавзуга оид
21:46 / 23.09.2024
Россия уруш бошлангандан бери 2 млн ёш ишчисидан айрилди
21:41 / 23.09.2024
Эрон президенти: Биз Россиянинг Украинага тажовузини ҳеч қачон маъқулламаганмиз
20:58 / 23.09.2024
Зеленский АҚШда. У аввал Байденга, кейин Ҳаррис ва Трампга ўз «тинчлик режаси»ни тақдим этади
15:41 / 23.09.2024