Музокараларда Ўзбекистонда ASCER билан ҳамкорликда каолиндан тайёр маҳсулотлар ишлаб чиқариш бўйича кластер ташкил этиш лойиҳасини ҳаётга татбиқ этиш масаласи муҳокама қилинди. Испания сопол плиткалар ишлаб чиқарувчи компаниялари ва Ўзбекистон ишлаб чиқарувчилари ўртасидаги ҳамкорлик алоқаларини йўлга қўйиш бўйича фикр алмашилди.
Мамлакат делегациясининг жорий йил февраль ойида Испанияга режалаштирилаётган амалий сафари дастури кўриб чилди. Ўзбекистон вакиллари сафар чоғида Azteca, Porselanosa, Grespana SA каби компаниялар раҳбарлари билан музокаралар ўтказиши назарда тутилмоқда.
ASCER 1977 йилда ташкил этилган, бош қароргоҳи Кастеллон де ла Плана шаҳрида (Валенсия) жойлашган. Уюшма соҳанинг 100 дан корхоналарини бирлаштирган. Тузилма таркибидаги компаниялар Испаниянинг ушбу йўналишдаги ишлаб чиқариш қувватининг тахминан 95 фоизини қамраб олган.
