Беллингҳем — «Реал»нинг янги қаҳрамони, Мбаппе Парижга ёрдам бера олмади. Кун ўйинлари

Англия: Клопп ва ҳакам

«Ливерпул» — «Борнмут» 3:1
Голлар: Диас (28), Салоҳ (36), Жота (62) — Семено (3). 
Ливерпул – Алиссон, Александер-Арнолд (Гомес, 76), ван Дейк, Конате, Робертсон, Собослаи, Мак Аллистер, Салоҳ (Цимикас, 86), Жота (Эллиотт, 76), Диас (Нунйес, 86), Гакпо (Эндо, 63).
Борнмут – Нето, Ааронс, Сенеси (Траоре, 84), Забарний, Керкез, Кристи (Мур, 63), Ротуэлл (Келли, 76), Биллинг, Энтони (Клюйверт, 63), Соланке, Семено (Брукс, 76).
Огоҳлантиришлар: Алиссон (9), Семено (16), Энтони (26), Нето (35).
Четлатиш: Мак Аллистер (58).

«Энфилд»даги ўйин кўрсатдики, клубга ишқибозликдан ҳам муҳим нарсалар бор. 26-дақиқада қизиллар жамоаси мухлислари «Эвертон» учун янги стадион қурилиши вақтида ҳалок бўлган «ирислар» жамоаси мухлиси хотирасига қарсак чалишди. Юрген Клопп ва унинг футболчилари эса стадион девори остига гулдаста қўйишди.

Ўйин эса мезбонлар тезкор гол ўтказиб юбориши билан бошланди, унга кўп ўтмай Диас қайчи услубидаги зарбаси билан жавоб қайтарди. Колумбиялик футболчи — «Ливерпул»нинг Клопп бошқаруви даврида уй ўйинларида урган 300-голи муаллифига айланди. Бўлим давомида эса Салоҳ аввалига пеналтини аниқ ижро эта олмади, аммо дарвозабондан қайтган тўпга биринчи бўлиб етиб келди. Иккинчи бўлимда эса шу куни майдонда энг фаол бўлган Диогу Жота ҳам ўз голини урди, аммо бу гол урилган вақтга келиб мезбонлар бир киши кам бўлиб қолишганди.

Мак Аллистернинг четлатилиши эса муҳокамалар марказида турибди. Гап шундаки, VAR функциясини шу куни Пол Тирни бажарди. Ушбу арбитрнинг «Ливерпул» ва Клопп билан можаро тарихи бор. Шундай экан, қизиллар аргентиналик ҳавбекнинг жазоланиши борасида баҳслашиши мумкин.

«Тоттенҳэм» — «Манчестер Юнайтед» 2:0
Голлар: Сарр (49), Мартинес (83, автогол).
Тоттенҳэм – Викарио, Порро (Эмерсон, 88), Ромеро, ван де Вен, Удожи (Дэвис, 70), Мэддисон, Биссума, Кулусевски (Соломон, 88), Сарр (Ҳёйберг, 76), Сон, Ришарлисон (Перишич, 70).
Манчестер Юнайтед – Онана, Уан-Биссака (Далот, 66), Варан, Мартинес, Шоу, Каземиро, Фернандеш, Маунт (Пеллистри, 85), Антони (Эриксен, 66), Гарначо (Санчо, 66), Рэшфорд (Марсиял, 85).
Огоҳлантиришлар: Уан-Биссака (33), Антони (38), Фернандеш (39), Удожи (63).

Ҳарри Кейн кетганидан кейин «Тоттенҳэм»нинг имкониятларига қандай ёндашишни билиб бўлмаяпти. Масалан, «Нюкасл» «катта олтилик»дан сиқиб чиқарган жамоа сифатида. Умуман олганда, ўйиннинг дастлабки қисми бу тезисни тасдиқлайдигандек кўринди. «МЮ» яққол устунликка эришди, қатор вазиятлар яратди, аммо барибир Викарио дарвозасини ишғол эта олмади. «Шпорлар» эса ўз ўйинини босқичма-босқич кучайтириб борди, танаффус арафасида гол уриш учун қулай имкониятга эга бўлди ва танаффусдан қайтибоқ ўз мақсадига эришди. Ўйин охирига бориб эса «қизил иблислар» буткул таслим этилди.

Эътиборли томони — мезбонлар сафида голларни таянч ҳавбеки Сарр ҳамда ва марказий ҳимоячи Дэвис уришди, гарчи протоколда гол Мартинес номига автогол сифатида ёзилган бўлса ҳам. Ўтган турда «Брентфорд»га қарши ўйинда (2:2) ҳимоячилар Ромеро ва Эмерсон гол уришганди.

Иккинчи бўлимда меҳмонлар ҳам Викарионинг деворини бузиб ўтиш учун уринишди, Антонининг зарбаси вақтида устун ёрдамга келди. Лекин лондонликлар кўплаб вазиятларда рақибнинг марказий ҳудудидан осонлик билан ўтиб кетишди. Ҳозирча Эрик тен Ҳаг жамоаси умуман ўтган мавсумдаги рақобатбардош жамоани эслатмаяпти. Мураббийда арбитрларга ҳам саволлар борлиги аниқ, тўп Ромеронинг қўлига текканига эътибор қаратилмади.

«Манчестер Сити» — «Нюкасл» 1:0
Гол: Алварес (31).
Манчестер Сити – Эдерсон, Уокер, Диаш, Аканжи, Гвардиол, Ковачич, Грилиш, Родри, Фоден, Ҳоланд, Алварес.
Нюкасл – Поуп, Триппьер, Шер, Ботман, Берн, Гимараэс, Тонали (Андерсон, 67), Алмирон (Ливраменто, 86), Жоэлинтон (Лонгстафф, 57), Гордон (Барнс, 56), Исак (Уилсон, 66).
Огоҳлантиришлар: Гордон (24), Тонали (34), Алварес (46), Жоэлинтон (54), Барнс (58), Гимараэс (71).

Турнинг марказий ўйинида «Манчестер Сити» «Нюкасл»ни мағлуб этиб, «Этиҳад»даги ғалабали сериясини 17 ўйинга етказиб қўйди. Ўйин давомида еттита вазият яратган Фоденнинг ҳал қилувчи пасидан кейин эса Алварес дарвозанинг юқори бурчагини аниқ нишонга олди.

Ўйиннинг айрим паллаларида «қарғалар» чемпионларни ҳисоб учун ўйнаш ва ҳимояланишга ҳам мажбур қила олишди, аммо бундан ҳеч қандай наф чиқмади. Эдди Ҳау ҳамон Хосеп Гвардиолага қарши чора топа олмаяпти, у ушбу мутахассис жамоасига қарши қаторасига еттинчи ўйинни ютқазди - умумий тўплар нисбати 2:21. Меҳмонларга стадиондаги муҳит ҳам босим кўрсатгани тайин, чунки ўйин олдидан «шаҳарликлар» ўтган мавсумдаги барча совринларини - жумладан Чемпионлар лигасидаги ғалаба учун олинган «қулоқли» кубокни ҳам намойиш этишди. Эътиборли жиҳати, Гвардиола ўйин охирига қадар бирор футболчисини алмаштирмади.

Испания: «Реал» мухлислари янги қаҳрамонини олқишламоқда

«Алмерия» — «Реал» 1:3
Голлар: Аррибас (3) — Беллингҳем (19, 60), Винисиус (73).
Алмерия – Луиш Машимиану, Пубиль (Посо, 69), Эдгар Гонсалес, Чуми, Акьеме, Робертоне (Мелеро, 70), Баба, Аррибас (Пучмаль, 90+2), Эмбарба, Рамазони (Коне, 61), Суарес (Лазаро, 90+2). 
Реал – Лунин, Карваҳал, Алаба, Рюдигер, Гарсия, Кроос (Камавинга, 72), Валверде (Васкес, 90), Тчуамени, Беллингҳем (Хоселу, 81), Винисиус (Диас, 90), Родриго (Модрич, 72).
Огоҳлантириш: Чуми (59).

«Реал» дебютдаёқ ўз тарбияланувчиси Аррибасадан гол ўтказиб юборди, аммо майдонда Беллингҳем борлигида бу ҳеч нарсани англатмайди. Англиялик — мадридликларнинг мавсум стартидаги асосий ҳаракатлантирувчи кучи бўлмоқда. У биринчи турда ҳам гол урганди, ҳозир эса серияни ажойиб давом эттирди — танаффусгача ҳисобни тенглаштирувчи голни урди, иккинчи бўлимда эса Крооснинг узатмасини боши билан дарвозага йўллаб, «Алмерия»ни таслим қилди. Немис футболчиси учун бу ла лигадаги 63-голли пас бўлди (иккинчи бўлим бошида у гол ҳам урганди, аммо унга тўп етиб келишидан олдин ҳужумда фол қайд этилиб, бу гол бекор қилинди), у бу кўрсаткич бўйича Гризманн билан тенглашиб олди.

Беллингҳем эса Винисиус Жуниорнинг чиройли голига ҳаммуаллифлик қилди, бразилиялик ҳужумчи тўпга иккинчи тегинишда тўпни дарвозабон устидан ошириб ташлади ва голни Жуд услубида нишонлади.

Ҳозирча Карло Анчелотти жамоасида Куртуа ва Эдер Милитаонинг йўқлиги деярли сезилмаяпти, «Реал»нинг ҳозирча энг ёрқин ўйинчиси эса оқшомни футболкасини  ёш мухлисга топшириш билан якунлади, ўйиндан кейин полиция ходимлари ҳам у билан бирга суратга тушишни илтимос қилишди.

«Реал Соседад» — «Селта» 1:1
Голлар: Барренечеа (22) — Мингеса (90+4).
Реал Соседад – Ремиро, Траоре (Сола, 78), Ле Норман, Субелдия, Мунйос, Мендес, Субименди, Турриентес (Пачеко, 78), Кубо (Чо, 78), Барренечеа (Ойарсабал, 64), Фернандес (Содиқ, 64).
Селта – Виляр, Мингеса, Старфелт, Нунйес, Санчес (Серви, 84), Де Ла Торре (Дотор, 84), Белтран, Сотело (Айду, 46), Аспас (Сведберг, 90), Ларсен (Родригес, 84), Бамба.
Огоҳлантиришлар: Субименди (40), Аспас (51), Ле Норман (69).

Ўтган мавсум якунларига кўра тўртинчи ўринни эгаллаб, ЕЧЛга йўлланма олган «Реал Соседад» янги мавсумни кўнгилдагидек бошлай олмади. «Селта» билан ўйин сценарийси — биринчи турда «Жирона»га қарши кечган ўйиннинг (1:1) такрори бўлди. Яна биринчи бўлим жуда яхши ўтказилди, тўлиқ устунликка эришилди ва гол урилди. Ва яна ўйин охирида гол ўтказиб юборилди. Рақиб қўшимча вақтда жавоб голи уриши — ва бу рикошет орқали бўлиши — одатда омадсизликка йўйилади. Фақат бу ҳолатда очколар бой берилиши — ўйин мантиғидан келиб чиқди. Басклар сўнгги дақиқаларда ўз жарима майдонига қамалиб олди, улар олдинроқ гол ўтказиб юбормагани — дарвозабон Алекс Ремиронинг сейвлари эвазига бўлди. 

Италия: «Наполи» Хвичасиз ҳам уддалади

Фрозиноне — Наполи 1:3
Голлар: Ҳарруи (7, пеналти) — Политано (24), Осимҳен (42, 79). 
Наполи – Мерет, Ди Лоренцо, Жезус, Рраҳмани, Оливера (Мариу Руй, 76), Лоботка (Эстигор, 90), Зелиньски, Каюсте (Замбо-Ангисса, 46), Политано (Элмаз, 77), Распадори, Осимҳен (Симеоне, 81).
Огоҳлантиришлар: Ойоно (12), Лоботка (13), Каюсте (27), Оливера (39), Маццителли (45), Желли (83).

Руди Гарсия «Наполи»даги дебютини В серия ғолиби майдонидаги иродали ғалаба билан бошлади, буни саломатлигида муаммо пайдо бўлган Кварацхелиясиз уддалаш талаб этилди. Амм Хвичасиз ҳам неаполитанликларнинг савияси бундай рақибни енгиш учун етарли даражада эди, ҳисоб 1:1 эканида дарвозани ишғол этган Распадорининг голи бекор қилиниши эса — шунчаки кутилмаган ёқимсизлик бўлди. Осимҳен бўлим охирида барибир ўз голлари ҳисобини очди, бу гол VAR иштирокида тасдиқланди. Ўйин охирларига бориб у 2023 йилда урган голлари сони бўйича топ-5 га кириб (у ва Кейннинг бу даврдаги голлари сони 18 тани ташкил этмоқда). Нигериялик футболчи учун дубл — одатий ҳолат бўлса, унга ассистентлик қилган ҳимоячи Ди Лоренцо эса фаолиятида илк бор А серия ўйинларида бир ўйинда икки пасга муаллиф бўлди.

Интер — Монца 2:0
Голлар: Мартинес (8, 76). 
Интер – Зоммер, Думфрис (Куадрадо, 67), Дармиан (Биссек, 84), де Врей, Бастони, Димарко (Карлос Аугусто, 67), Мхитарян, Чалхонўғли, Барелла, Тюрам (Арнаутович, 67), Мартинес (Фраттези, 80).
Огоҳлантиришлар: Мартинес (32), Кальдирола (41).

Амалдаги чемпион ортидан «Интер» ҳам ғалабага эришди, ушбу жамоа скудетто учун асосий даъвогар сифатида кўрилмоқда. Миланликлар сафида, табиийки, Лаутаро Мартинес ўзини кўрсатди. Биринчи голда аргентиналик футболчига Думфрис ассистентлик қилди. Иккинчисида — Мхитарян бошлаб берган ҳужум давомида — Арнаутович уни бўш қолган бурчак қаршисига чиқарди. Нерадзуррилар Жеко билан хайрлашди, аммо ҳужум чизиғини 34 ёшли австриялик билан мустаҳкамлаган.

Германия: Дортмунднинг қийин ғалабаси

Боруссия Д — Кёлн 1:0
Гол: Мален (88).
Боруссия Д – Кобел, Рюэрсон (Азар, 84), Ҳуммелс, Зюле, Бенсебайни (Вольф, 84), Ройс (Адейеми, 70), Забитцер, Жан (Нмеча, 59), Брандт, Мален, Аллер (Мукоко, 59).
Кёлн – Швэбе, Шмитц, Шабо, Ҳюберс, Пакярада, Карстенсен (Килиан, 90), Кайнц (Олесен, 66), Любичич, Мартел, Зелке (Адамян, 52), Валдшмидт (Финкграфе, 66).
Огоҳлантириш: Мален (90+1).

«Бавария» жума куни мавсумни Бременда 4:0 ҳисобида ғалаба қозониш билан бошлаганди, ўтган мавсум охирида аламли тарзда титулни бой бериб қўйган «Боруссия» эса мухлисларининг ҳафсаласини пир қилди. Дортмундликлар ғалаба тугул, дурангга ҳам лойиқ ўйин кўрсатмади. «Асаларилар»нинг нурсиз ўйини ҳайрон қолдирди, агар меҳмонлар ўз вазиятларини кўкка совурмаганида мезбонлар учун барчаси қайғули тус олган бўларди. Кобел Адамяннинг бир неча метрдан йўллаган зарбасини дарвоза чизиғи устида оёқлари билан қайтарган ҳолда тур сейвини ижро этди. Дортмундликларга гол уришда ҳам омад ёрдам бериб юборди. Маленнинг зарбаси у қадар ўхшамаганди, аммо зарбадан кейин тўп шундай траекторияда ҳаракатландики, «Кёлн» дарвозабони унга ета олмасди. Ушбу нидерландиялик бундеслиганинг 2023 йилдаги энг самарадор футболчиси бўлиб олди (9 гол ва 4 узатма).

Франция: гегемон ҳамон ғалабасиз

Тулуза — ПСЖ 1:1
Голлар: Абуҳилол (87, пеналти) — Мбаппе (62, пеналти). 
Тулуза – Рест, Деслер (Бангре, 90), Николайсен, Коста, Диарра, Суасо, Сьерро, Кассерес (Шмидт, 71), Абуҳилол (Каманси, 90), Даллинга (Беграуи, 71), Магри (Жанро, 57).
ПСЖ – Доннарумма, Ҳакими, Маркиньос, Шкриньяр, Эрнандес (Данилу Перейра, 78), Фабиан Руис (Дембеле, 51), Угарте, Заир-Эмери, Витинья (Солер, 78), Ли Кан Ин (Мбаппе, 51), Гонсалу Рамуш.
Огоҳлантиришлар: Ли Кан Ин (45), Угарте (81), Доннарумма (86).

Кун воқеси, табиийки, «ПСЖ» сафига Мбаппенинг қайтиши бўлди. «Оқпадар ўғил» бошланғич таркибдан жой олмади ва ўйинни захира ўриндиғида бошлади. У бу ердан туриб жамоасининг голсиз учинчи бўлимига гувоҳ бўлди ва Луис Энрикеда иккинчи бўлимда уни майдонга туширишдан бошқа йўл йўқ эди. Кечирилган футболчи 51-дақиқада майдонда пайдо бўлди, 62-дақиқада эса Килиан пеналтини ишонч билан ижро этиб, ҳисобни очди. Агар ўйин охирида Ҳакими жарима майдони ичида рақибга нисбатан эҳтиётсизлик қилмаганида, барчаси чиройли якун топган бўларди. Аммо мезбонлар ҳам 11 метрли жарима зарбасини аниқ ижро этди — ва Париж яна ғалабадан қуруқ қолди. Французлар гегемонида қайта қуриш жуда имиллаб кечмоқда. Жамоа ўн йил ичида илк бор мавсумни кетма-кет дуранг билан бошлади.

Кун статистикаси

• «МЮ» Лондондаги сўнгги 10 ўйинидан фақат биттасида ғолиб бўлган (+1=3-6). «Қизил иблислар» пойтахтда қаторасига 12-ўйинда гол ўтказиб юборишди.
• Чванчара Менҳенгладбаҳнинг «Боруссия» клуби таркибида дебютида биттадан гол урган 2-футболчига айланди. Бундай ҳолат биринчи бор 1967 йилда содир бўлган, ўшанда бу вазифани Петер Майер уддалаганди.
• ПСВ форварди Люк де Йонг Нидерландия чемпионатида бу асрда 150 та гол урган иккинчи футболчига айланди, бундай натижага аввалроқ фақат Ҳунтелар эришганди.
• «Осасуна» форварди Авила ла лига ўйинларида 4-бор майдондан четлатилди. Сўнгги беш йилда топ-5 лигаларда ундан кўпроқ қизил карточка олган ҳужум чизиғи вакили — Фекир бўлиб турибди. Шунингдек, Неймар ва Амума ҳам тўрт мартадан қизил олган.