Шавкат Мирзиёев бир гуруҳ чет эл инвесторларини мукофотлади

Ўзбекистон Республикаси мустақиллигининг 32 йиллиги муносабати билан бир гуруҳ чет эл инвесторлари мукофотланди.

Фото: Kun.uz

Давлатлар ўртасидаги кўп қиррали ва ўзаро манфаатли ҳамкорликни ҳар томонлама ривожлантириш, дипломатик, савдо-иқтисодий, сармоявий, илмий-техникавий ва маданий-гуманитар соҳалардаги алоқаларни кенгайтиришга қўшаётган катта ҳиссаси, мамлакат иқтисодиётига инвестицияларни жалб этиш, самарали инновацион лойиҳалар ва қўшма дастурларни амалга ошириш йўлидаги ибратли фаолияти учун бир гуруҳ хорижликлар «Дўстлик» ордени билан мукофотланди.

Жумладан:

Гуржий Степан Леонидович - Россия «Лукойл» акциядорлик жамиятининг Марказий Осиё, Яқин Шарқ ва Шимолий Африка бўйича вице-президенти;

Мухаммад Абунайян - Саудия Арабистони «ACWA Power» компанияси бошқаруви раиси;

Мухаммад Жамил Ар-Рамахий - Бирлашган Араб Амирликлари «Masdar» компанияси бош ижрочи директори;

Жемил Қозонжи - Туркия «Aksa Energy» компанияси бошқарув кенгаши раиси;

Мехмет Женгиз - Туркия «Cengiz Holding» компанияси асосчиси;

Шандор Чаньи - Венгрия «OTP Bank» бошқаруви раиси;

Сайфуллоҳ Қосимий — АҚШ «Air Products» компанияси бошқаруви раиси;

Пэрис Муротўғли - Франция «Total Eren» компанияси бошқаруви раиси.