3 та масала фуқаролар томонидан киритиладиган қонунчилик таклифининг предмети бўлиши мумкин эмас.
«Айрим қонун ҳужжатларига ўзгартириш ва қўшимчалар киритиш тўғрисида»ги қонун лойиҳаси муҳокамага қўйилди.
Ўзгартиришлар қаторида – қуйидаги субъектлар томонидан қонунчилик таклифларини илгари суриш ва Қонунчилик палатасига киритиш мумкинлиги кўзда тутилган:
100 минг нафардан кам бўлмаган фуқаролар;
Сенат;
Омбудсман;
Марказий сайлов комиссияси.
Қуйидаги масалалар фуқаролар томонидан киритиладиган қонунчилик таклифининг предмети бўлиши мумкин эмас:
Ўзбекистон ҳудудий яхлитлигини ўзгартириш;
амнистия ва афв этиш;
мансабдор шахсларни тайинлаш ва вазифасидан озод этиш.
Қонун лойиҳаси қуйидагиларни назарда тутмоқда:
Қонунчилик палатаси ва Сенат мутлақ ваколатларини ҳамда парламент назоратини амалга оширишнинг ҳуқуқий асосларини такомиллаштиришни;
қонунларни қабул қилишнинг янги тартибини амалдаги қонунчиликда белгилашни.
Сайлов кодекси ва қуйидаги қонунларга ўзгартиришлар киритиш режалаштирилмоқда:
«Прокуратура тўғрисида»;
«Олий Мажлиснинг Инсон ҳуқуқлари бўйича вакили (омбудсман) тўғрисида»;
«Референдум якунлари ҳамда давлат ҳокимияти ташкил этилишининг асосий принциплари тўғрисида»;
«Олий Мажлис Сенати тўғрисида»;
«Олий Мажлис Қонунчилик палатаси тўғрисида»;
«Олий Мажлис Қонунчилик палатасининг Регламенти тўғрисида»;
«Олий Мажлис Сенатининг Регламенти тўғрисида»;
«Олий Мажлис Қонунчилик палатаси депутатининг ва Сенати аъзосининг мақоми тўғрисида»;
«Қонунлар лойиҳаларини тайёрлаш ва Олий Мажлис Қонунчилик палатасига киритиш тартиби тўғрисида»;
«Давлат бошқарувини янгилаш ва янада демократлаштириш ҳамда мамлакатни модернизация қилишда сиёсий партияларнинг ролини кучайтириш тўғрисида»;
«Парламент назорати тўғрисида»;
«Давлат хавфсизлик хизмати тўғрисида»;
«Ҳисоб палатаси тўғрисида».