Россияда мигрантлар учун имтиҳонларнинг ягона нархлари белгиланади

Тегишли қарор лойиҳаси норматив-ҳуқуқий ҳужжатлар лойиҳалари порталида эълон қилинди.

Ҳужжатга кўра, вазирлик қуйидаги ягона нархларни таклиф қилади:

- фуқароликни олиш учун рус тилидан имтиҳон - 2950 рубл (1 рубл ≈ 155 сўм);

- фуқароликни олиш учун тарих ва қонунчилик асослари бўйича имтиҳон - 2950 рубл;

- вақтинчалик яшаш учун рухсатнома (ВЯР) ёки яшаш учун рухсатнома (ЯР) олиш учун рус тили, тарих ва қонунчилик асослари бўйича имтиҳон - 5900 рубл;

- ишлаш учун рухсатнома ёки патент олиш учун рус тили, тарих ва асосий қонунчилик бўйича имтиҳон - 3800 рубл.

Ҳозир бундай имтиҳонлар учун ягона қатъий нарх йўқ. Ҳозирги вақтда имтиҳон ўтказадиган ташкилот бундай хизмат нархини ҳисоблаб чиқадиган формулани белгилайдиган ҳукумат қарори мавжуд. Худди шу қарор хизматнинг максимал нархини белгилаб берди. Бу, аслида, Таълим ва фан вазирлиги ҳозир доимий деб белгилашни таклиф қилаётган миқдорга тўғри келади: вақтинчалик яшаш учун рухсат ёки яшаш учун рухсатнома учун - 5900 рубл, ишлаш учун рухсатнома ёки патент учун - 3800 рубл.

Имтиҳонлар учун ягона нархнинг жорий этилиши Давлат Думаси 29 октябр куни «Россия Федерациясида хорижий фуқароларнинг ҳуқуқий ҳолати тўғрисида»ги қонунга ўзгартиришлар қабул қилгани билан боғлиқ. Мазкур ўзгаришларга кўра, имтиҳонларни фақат давлат муассасалари қабул қилиши ва ўтказиши мумкин ҳамда ягона харажат белгиланади.