Швейцарияда бир неча ҳафтадан буён арзон рус гази Германияга яна оқиб келиши ҳақида махфий музокаралар олиб борилмоқда. Бу ҳақда 2 март, якшанба куни Bild газетаси хабар берди.
Унинг маълумотларига кўра, АҚШ президентининг махсус вакили Ричард Гренелл келишувни муҳокама қилиш учун Швейцарияга бир неча норасмий ташриф буюрган. «Шимолий оқим 2» газ қувурини бошқарувчи компаниянинг бош қароргоҳи Швейцариянинг Цуг кантонидаги Штайнхаузенда жойлашган.
Ғоя Вашингтон ва Москва ўртасида АҚШ воситачи бўлиб Россия газини «Шимолий оқим 2» қувури орқали Мекленбург-Олд Померанияга йўналтириш бўйича таъминот шартномасини тузишдан иборат. Шундай қилиб, АҚШ таъминотни тартибга солади ва пул ишлаб топади, дея таъкидлайди газета.
Bild: АҚШ маъмурияти шартномада бевосита иштирок этмайди
Унинг маълумотларига кўра, иккита «Шимолий оқим 1» қувури бўйича ҳам режалар мавжуд. Таъмирлаш ва қайта тиклашдан сўнг улар Финландиядан водородни ташиш учун ишлатилиши мумкин.
АҚШ маъмурияти келишувда бевосита иштирок этмайди. Бунинг ўрнига тадбиркор Стивен Линч каби америкалик молиявий инвесторлар қўшилади, деб ёзади Bild.
