Қўқонда “парковка” талашган фуқаролар ўртасида муштлашув содир бўлди

Интернет ижтимоий тармоқларида тарқалган Қўқон шаҳрида “парковка” талашиб, ўзаро муштлашув содир бўлгани ҳақидаги хабар Фарғона вилоят ИИБ томонидан ўрганиб чиқилди.

Фото: Фарғона вилоят ИИБ

Маълум бўлишича, жорий йилнинг 5 август куни Қўқон шаҳар Обод маҳалласида фуқаро А.Н. ва А.Ғ. ўртасида ўзаро келишмовчилик ортидан жанжал келиб чиқиб, улар бир-бирига жароҳат етказган.

Мазкур ҳолат юзасидан шаҳар ИИБ ходимлари томонидан терговга қадар текширув ҳаракатлари олиб борилиб, ушбу шахсларга нисбатан Маъмурий жавобгарлик тўғрисидаги кодекснинг 52- ва 183-моддалари тартибида маъмурий баённомалар расмийлаштирилди.

Маъмурий жавобгарлик тўғрисидаги кодекснинг юқорида келтирилган моддалари енгил тан жароҳати етказиш ва майда безорилик билан боғлиқ.