Нетаняҳу Ғазо шаҳрини 100 мингга яқин аҳоли тарк этганини маълум қилди

Нетаняҳунинг сўзларига кўра, "Исроил террорчиларга зарба бермоқчи, аҳолига эса чиқиб кетиш имкониятини тақдим этади".

Фото: Reuters

Исроил армияси режалаштирган ҳарбий операция фонида 100 мингга яқин киши Ғазо шаҳрини тарк этди, деб маълум қилди Исроил бош вазири Бинямин Нетаняҳу.

"Ғазони 100 мингга яқин киши тарк этди, ҲАМАС уларни чиқармаслик, улардан “тирик қалқон” сифатида фойдаланиш учун бор имконини ишга солмоқда", - деди у.

6 сентябрь куни Исроил армияси матбуот котиби Авичай Адре шаҳар аҳолиси жанубдаги Хон-Юнус қирғоқ ҳудудидаги махсус белгиланган жойга эвакуация қилинишини ёзганди.

Унга кўра, у ерда озиқ-овқат, тиббий ёрдам ва бошпана тақдим этиладиган «гуманитар зона» бўлади.

#Исроил #Ғазо

2023 йил 7 октябр куни Ғазо бўлгасидаги Ҳамас кучлари Исроилга ёппасига ракета зарбалари бериб, чегарадаги аҳоли пунктларини эгаллай бошлади. Бунга жавобан Исроил қўшинлари Ғазо бўлгасига бостириб кирди. Бу сафарги эскалация аввал кузатилмаган даражада кўп қурбонларга олиб келди.