Қўшимча функционаллар
-
Тунги кўриниш
Шавкат Мирзиёев: “Очиқлик сиёсатидан ҳеч қачон ортга қайтмаймиз”
“Ҳамма ўнг қулоғи билан ҳам, чап қулоғи билан ҳам эшитиб олсин: очиқлик сиёсатидан ҳеч қачон ортга қайтмаймиз. Сўз ва матбуот эркинлигини таъминлаш бизда устувор вазифа бўлиб қолган ва қолади ҳам”, – деди президент халққа мурожаатида. Фуқаролик жамиятини ривожлантиришнинг 5 йиллик стратегияси ишлаб чиқилиши кутилмоқда.
Фото: Kun.uz
Президент Шавкат Мирзиёев 26 декабр куни парламент ва халққа қилган мурожаатида сўз эркинлиги сиёсатидан ортга қайтилмаслигини айтди.
“Яна бир марта очиқ айтмоқчиман. Ҳамма ўнг қулоғи билан ҳам, чап қулоғи билан ҳам эшитиб олсин. Юртимизда кенг кўламли янгиланишлар даврида, Янги Ўзбекистон даврида очиқлик сиёсатидан ҳеч қачон ортга қайтмаймиз. Бу – биринчи масала. Сўз ва матбуот эркинлигини таъминлаш бизда устувор вазифа бўлиб қолган ва қолади ҳам. Шуни ҳамма билиши керак”, – деди давлат раҳбари.
Шавкат Мирзиёев фуқаролик жамиятини ривожлантиришнинг 5 йиллик стратегияси ишлаб чиқилишини маълум қилди.
“Ислоҳотлар самарадорлигини таъминлашда фуқаролик жамияти институтларининг роли муҳим. Шу боис уларни қўллаб-қувватлаш бўйича сиёсат келгусида ҳам изчил давом эттирилади. Хусусан, фуқаролик жамиятини ривожлантириш бўйича беш йиллик стратегия ишлаб чиқилади. Ушбу институтларга ижтимоий буюртма бериш тизими рақамлаштирилиб, молиялаштириш ҳажми 2 карра оширилади.
Бундан ташқари, хайрия ташкилотларини тузиш тартиби соддалаштирилади, ҳисобдорлик ва шаффофлик механизмлари такомиллаштирилади”, – деди президент.
Мавзуга оид
12:57
Ўзбекистон тўқимачилик саноатида экспорт ҳажмини 3,3 млрд долларга етказмоқчи
21:57 / 26.12.2025
Космосга учадиган ўзбек ва жиноий тўдаларга эслатма: президент мурожаатида нималар деди?
13:32 / 26.12.2025
«Жиноий тўдалар фаолиятига чек қўйишга кучимиз етади ва буни қиламиз» – президент
13:26 / 26.12.2025