Қўшимча функционаллар
-
Тунги кўриниш
Кўмир қазиб олишда хусусий сектор иштирокини кенгайтириш режалаштирилмоқда
Президент Шавкат Мирзиёев 2 феврал куни кўмир ва уран саноатида амалга оширилаётган ишлар ҳамда яқин истиқбол режаларига бағишланган тақдимот билан танишди. Унда кўмир ишлаб чиқариш ҳажмларини ошириш ва соҳада рақобат муҳитини кучайтириш учун хусусий сектор иштирокини кенгайтириш режалари маълум қилинди.
Фото: Kun.uz
Тақдимотда қайд этилишича, 2025–2026 йиллар куз-қиш мавсумида 10 миллион тонна кўмир қазиб олиш режалаштирилган бўлиб, бу ўтган мавсумга нисбатан 1,3 миллион тоннага кўп. Ҳозиргача 9 миллион тонна кўмир қазиб олингани, ўсиш 590 минг тоннани ташкил этгани айтилди. Кейинги мавсумда ишлаб чиқариш ҳажмини 11 миллион тоннага етказиш зарурлиги таъкидланди.
Белгиланган мақсадларга эришиш учун Тошкент ва жанубий ҳудудларда жойлашган конларни ўзлаштиришни жадаллаштириш, селектив қазиб олишни кенгайтириш ҳамда аутсорсинг асосида қўшимча экскаватор ва техникалар жалб қилиш муҳимлиги кўрсатиб ўтилди.
Шунингдек, хусусий тадбиркорлар иштирокини кенгайтириш орқали 2026 йилда қўшимча 2,5 миллион тонна кўмир қазиб чиқариш режалаштирилгани маълум қилинди.
Президент режалаштирилган чора-тадбирларни ўз вақтида ва сифатли амалга ошириш, ишлаб чиқариш ҳажмларини ошириш ҳамда иқтисодий самарадорликни кучайтириш юзасидан мутасаддиларга тегишли топшириқлар берди.
Мавзуга оид
09:45
Уранни қайта ишлаш қувватларини ошириш чоралари белгиланди
09:04
Авиация кадрлари тайёрлаш тизими янгиланади: университет ва техникум ташкил этилади
08:40
2026 йилдан Uzbekistan Airways ва Uzbekistan Airports носоҳавий харажатларни молиялаштирмайди
21:31 / 02.02.2026