Ўзбекистон президенти Шавкат Мирзиёев Исломобод шаҳрига давлат ташрифи доирасида Gohar Textile компанияси асосчиси Гоуҳар Мустафо билан учрашди.
Қайд этилишича, компания пахта толасини қайта ишлашга ихтисослашган бўлиб, маиший тўқимачилик маҳсулотларини ишлаб чиқариш бўйича катта тажрибага эга.
Учрашувда мамлакатда тўқимачилик маҳсулотларини биргаликда ишлаб чиқаришни йўлга қўйиш ҳамда Ўзбекистон корхоналарини халқаро етказиб бериш занжирларига интеграция қилиш истиқболлари муҳокама қилинди.
