Қўшимча функционаллар
-
Тунги кўриниш
212 брендининг Ўзбекистондаги бир йиллиги нишонланди: офф-роад ишқибозлари бир майдонда жам бўлди
Бўстонлиқ туманидаги Чорвоқ сув омбори ҳудудида ўтказилган тадбирда йўлтанламас автомобиллар эгалари, автомобиль ишқибозлари, блогерлар, инфлюенсерлар ҳамда соҳа экспертлари иштирок этди.
Тадбир тест-драйв билан бошланди. Бунинг учун махсус офф-роад йўлаги ташкил этилиб, иштирокчилар 212 автомобилларининг турли тўсиқлардан ўтиш имкониятларини амалда синаб кўрди.
Синов давомида автомобилларнинг осма тизими, йўлдан ташқаридаги ҳаракати ва мураккаб рельефдаги бошқарув имкониятлари текширилди.
Тадбирнинг асосий қисми кечки пайт бошланди. Чорвоқ манзараси фонида 212 эгалари билан бир қаторда Тоёта, Ниссан, Чевролет Траилблазер ва бошқа йўлтанламас автомобиллар эгалари ҳам бир майдонга жам бўлди. Автомобиллар колоннаси ва уларнинг бир жойда саф тортган кўриниши тадбирнинг энг диққатга сазовор лаҳзаларидан бирига айланди.
Дастур давомида бренд фаолиятига бағишланган видеоролик намойиш қилинди, саҳна чиқишлари, совғалар топшириш маросими ва турли интерактив дастурлар ҳам бўлиб ўтди.
Кечки қисмда Чорвоқдаги қуёш ботиши фонида автомобиллар, ёритилган майдон ва меҳмонларнинг эркин мулоқотлари тадбирнинг ўзига хос атмосферасини янада бойитди.
Реклама ҳуқуқи асосида
