AQSh davlat kotibi Jon Kerri, Ukraina NATOning to‘laqonli a'zosi bo‘lishi uchun ko‘p ish qilishi kerakligini bildirdi, deb xabar qilmoqda «Interfaks».
«Aytmoqchimanki, AQSh o‘zining «ochiq eshiklar» siyosatiga rioya etib kelmoqda. Biz, ular tayyor bo‘lganida yangi a'zolarni olqishlab qabul qilishga shaymiz. Prezident Poroshenko aytganidek, Ukraina mudofaa sohasida uzoq islohotlar yo‘lida turibdi. Va shunga ko‘ra, bu Ukraina — NATO komissiyasi muloqotining uzviy qismidir», — degan Kerri Ukraina prezidenti Petr Poroshenko bilan Kiyevda o‘tkazgan qo‘shma matbuot brifingida.
Kerrining so‘zlariga ko‘ra, Poroshenko, Ukraina NATO a'zoligiga ariza topshirish borasida bir to‘xtamga kelmaganini ta'kidlagan.
