8312.64 USD -2.21

9456.46 EUR +48.21

125.22 RUB +1.37

10578.7 GBP -23.60

18:14 / 17.08.2016 4690

ФХХ Петербургда жангариларни қўлга олиш бўйича амалиёт ўтказди

Россия ФХХ махсус топшириқли кучлари Санкт-Петербург шаҳрининг Киров туманида Шимолий Кавказдаги жангари гуруҳларга мансуб қуролланган шахсларга қарши махсус амалиёт ўтказди.

"Фонтанка" нашри ёзишича, маҳаллий вақт билан соат 10:30да гувоҳлар Ленин шоҳ кўчаси ёқасидаги кварталлардан бирини ФХХнинг махсус топшириқли ходимлари ўраб олган. Мавзедан чиқиш ҳам, унга кириш ҳам тўхтатилган. Ҳудудда отишма овозлари эшитилган.

Соат 12:00да махсус бинонинг 10 ва 11-қаватларига кўтарилиб, қўлга олиш амалиётига киришган. Гранаталар портлаган.

Бу жараёнда махсус кучларнинг бир ходими жароҳатланган.

Маълум қилинишича, бу амалиёт Қабардин-Болқор республикаси махсус хизматларидан олинган маълумот асосида ўтказилган.

Соат 12:41да махсус амалиёт якунланган.

РИА "Новости" агентлигининг ҳуқуқ-тартибот органларидаги манбасига асосланиб хабар беришича, амалиёт вақтида 2 жангари ўлдирилиб, яна 2 жангари қўлга олинган.

Ҳудудни ўраб олган ҳарбийлар қайтарилган ва мавзе аҳолиси паспорт асосида уйларга киритилиши бошланган.

Top