Shvetsiya poytaxti Stokgolm shahrida fizika bo‘yicha Nobel mukofoti sovrindorlari nomi e'lon qilindi. Ma'lum bo‘lishicha, ilm-fan sohasidagi obro‘li sovrinlardan birining bu yilgi sohiblari Vashington universiteti olimi Jyeyms Taules, Prinston universiteti vakili Frederik Xaldeyn va Braun universiteti ilmiy xodimi Jon Kosterlits o‘rtasida taqsimlanadi. Ular, topologik fazali o‘tishlarga oid ilmga qo‘shgan hissasi uchun shunga munosib topilgan.
Qo‘mita xabarida aytilishicha, mazkur olimlar o‘ta yuqori o‘tkazgichlar, o‘ta oquvchi suyuqliklar va magnitli tasmalar kabi materiyalarning noodatiy faza(davr)lari va xususiyatlarini ta'riflashning matematik usullarini ishlab chiqishgan. Olimlarning ishlanmalari dunyoning ko‘plab olimlari izlanishlar olib borayotgan moddalarning noodatiy fazalarini qidirish ehtimolini haqiqatga aylantirgan.
