Marokashdagi parlament saylovlarida "Adolat va taraqqiyot partiyasi" yetakchilik qilmoqda

Marokashdagi parlament saylovlarida "Adolat va taraqqiyot partiyasi" yetakchilik qilmoqda, deb ma'lum qildi mamlakat ichki ishlar vaziri Muhammad Hasad.

Dastlabki ma'lumotlarga ko‘ra, partiya parlamentda 90 o‘rin, "Chinlik va zamonaviylik partiyasi" 80 o‘rin, "Istiqlol" konservativ partiyasi 21 o‘rin oldi, deb xabar bermoqda Reuters axborot agentligi.    

Saylovlar Marokashda qirol Muhammad VI 2011 yilda mamlakatda bo‘lib o‘tgan "arab bahori" voqealari sababli amalga oshirgan demokratik islohotlardan keyin ikkinchi marta o‘tkazilmoqda. 

2011 yildagi birinchi saylov natijalariga ko‘ra, "Adolat va taraqqiyot partiyasi" o‘rtamiyona islomchilari g‘alaba qilgandi. Bu gal ularga asosiy raqobatni qirol taraf hisoblangan "Chinlik va zamonaviylik partiyasi" tashkil qiladi. G‘olib partiya bosh vazir nomzodini taklif qilish va yangi hukumatni shakllantirish huquqiga ega bo‘ladi.