Osetiyada mudhish YTH ro‘y berishi oqibatida Armaniston fuqarolari halok bo‘ldi

Shimoliy Osetiya markazi Beslan shahrida ro‘y bergan mudhish yo‘l transport hodisasi oqibatida qurbon bo‘lganlar Armaniston fuqarolaridir. Bu haqda TASS agentligi Sog‘liqni saqlash vazirligiga asoslanib xabar berdi.

Ayni vaqtda shifoxonada 5 nafar o‘smir va 4 nafar bola qolmoqda. Shuningdek, 27 kishi Beslandagi vaqtinchalik boshpanalarga joylashtirilgan.

Jabrlanuvchilar tez tibbiy yordam ko‘rsatilganidan keyin Armanistonga yuboriladi. Shimoliy Osetiya FVV bo‘limi boshlig‘i Aleksandr Xorujyegoning ma'lum qilishicha, barcha istovchilarga Yerevanga yetib olish uchun transport vositalari beriladi.

O‘z navbatida Armaniston prezidenti Serj Sargsyan hukumatga va Rossiyadagi elchixonaga jabrlangan armanistonliklarga yordam ko‘rsatish bo‘yicha topshiriq bergan.

Prezident qurbonlarning oila a'zolariga hamdardlik bildirib, jarohatlanganlarga sog‘liq tilagan.

14 oktabr kuni tongida Moskva-Yerevan yo‘nalishidagi Mercedes avtobusi Shimoliy Odessada Scania avtopoyezdi bilan to‘qnashgan. Avtobusda jami 52 kishi edi, 5 kishi halok bo‘lgan, 25 kishi jarohatlangan. Shifoxonaga 20 kishi yotqizilgan.

Avariya avtobus haydovchisi aybi bilan sodir bo‘lgani aytilgan. U rulda uxlab qolgan.

Shimoliy Osetiya-Alaniya respublikasi bo‘yicha FVV bo‘limi YTH bo‘yicha ma'lumotlar uchun liniya ochilgan.