«Manchester Yunayted» jamoasi bosh murabbiyi Joze Mourino Yevropa Ligasining 4-turida «Fenerbahche»dan uchralgan mag‘lubiyatdan keyin jamoa yarim himoyachisi Genrix Mxitaryanning jamoadagi o‘rni haqida gapirdi.
Bu futbolchi katta mablag‘ evaziga yozgi transferlar vaqtida Dortmundning «Borussiya» jamoasidan olib kelingan, ammo u hozircha asosiy tarkibga kira olmadi.
«Barchasi oddiy. U shunchaki ko‘proq ish bajarishi kerak. Bu jamoadan ko‘p narsa kutishadi va uning pozitsiyasida ko‘plab futbolchilar bor. Mxitaryan Mata, Lingard va Marsiyaldan yaxshiroq o‘ynashi kerak xolos.
Har bir murabbiy o‘yinlarni yutishni istaydi, har bir murabbiy uning nazdida yaxshiroq formada bo‘lgan futbolchidan foydalanadi. Bu yerda boshqa gap yo‘q, mening sababim ham shu», — deya portugaliyalik murabbiyning so‘zlarini keltirgan klub sayti.
Mxitaryan Turkiyadagi bahsda 10 sentabrdan beri ilk marta manchesterliklar safida maydonga tushdi. 27 yoshli armanistonlik futbolchi 61-daqiqada Markus Reshfordni almashtirdi.
