Nyu-York bosh prokurori Tramp "firibgarliklarini" tergov qilishni davom ettiradi

Nyu-York shtati bosh prokurori Erik Shneyderman Donald Tramp AQSh prezidentligi saylovlarida g‘olib bo‘lganiga qaramasdan, unga nisbatan ikkita ishni tergov qilishni davom ettiradi, deb yozmoqda Politico.

Ta'kidlanishicha, bir ish tergovi Tramp xayriya jamg‘armasiga taalluqli bo‘lib, tergov sentabrda jamg‘arma bir nechta shubhali bitimlarga aloqasi bo‘lgani ma'lum bo‘lgandan keyin boshlangan.

Ikkinchi ish Tramp universiteti bilan bog‘liq bo‘lib, ta'lim muassasasiga o‘qishga kiruvchilar aldov haqida xabar qilishgan. Ularning aytishicha, ular milliarderning ta'lim muassasasida ta'lim olish uchun katta haq to‘lashgan, biroq shu pullarga yarasha bilim olishmagan.