ANONS. JCh-2018. Niderlandiya, Belgiya va Portugaliya bugun o‘z uchrashuvlarini o‘tkazadi

Foto: eurosport.com

Yevropaning yana sakkizta stadionlarida Jahon chempionati uchun saralash bahslari davom ettiriladi.

A guruhida hozircha muvaffaqiyatsiz qatnashayotgan Niderlandiya terma jamoasi Lyuksemburgga safar qiladi. 3ta uchrashuvda 4 ochko to‘plab turgan lolalar yurti vakillari g‘alaba qozongan taqdirda Shvetsiyaga yetib olish imkoniyatiga ega bo‘ladi.

V guruhida yetakchi Shveytsariya terma jamoasi o‘z uyida Farer orollari terma jamoasini qabul qiladi. Ikkinchi o‘rinda borayotgan Portugaliya esa Latviya bilan o‘z uyida kuch sinashadi.

3ta uchrashuvda birorta ochko yo‘qotmagan, hattoki o‘z darvozasidan gol ham o‘tkazib yubormagan (to‘plar nisbati 13:0) Belgiya terma jamoasi Bryusselda Estoniyani qabul qiladi. Qolgan uchrashuvlar bilan quyida tanishib olishingiz mumkin.

JCh-2018. Saralash
Yevropa

Shveytsariya – Farer or. Boshlanish vaqti 22:00
Lyuksemburg – Niderlandiya. 22:00
Bolgariya – Belarus.22:00
Kipr – Gibraltar. 22:00
Vengriya – Andorra. 22:00
Portugaliya – Latviya. 00:45
Gretsiya – Bosniya va Gertsegovina. 00:45
Belgiya – Estoniya. 00:45