17:36 / 18.11.2016
5126

Hyundai kompaniyasi Xitoy bozori uchun maxsus sedanini taqdim etdi

Janubiy Koreya avtomobil gigantining yangi modeli Xitoy bozori uchun maxsus ishlab chiqilgan. Shu bois, uning rasmiy taqdimoti ham Guanchjou avtoko‘rgazmasida bo‘lib o‘tdi.

Celesta deb nomlangan sedan suratlarini Autohome nashri havola qilgan. Uning dizayni brendning yangi korporativ uslubida ishlab chiqilgan. Ammo, xitoylik mijozlar xohish-istaklari ham e'tiborga olingan. 

Hyundai Celesta Xitoy bozoriga 1,6 litr hajmli, 123 ot kuchiga ega benzinli dvigatel bilan chiqariladi. Unga olti bosqichli «mexanik» yoki «avtomat» uzatmalar qutisi o‘rnatiladi. 

Hozircha, Celesta sedanini savdosi qachon boshlanishi, uning narxiga oydinlik kiritilmagan.

 

Mavzuga oid
Top