Gvardiola kimni «Barselona» prezidenti sifatida ko‘rishni xohlashini bildirdi

«Manchester Siti» jamoasi bosh murabbiyi Xosep Gvardiola «Barselona» jamoasi prezidentligida qaysi futbolchini ko‘rishni xohlashini ma'lum qildi. Uning fikricha, jamoa himoyachisi Xerard Pike kelgusida Kataloniya klubi prezidenti bo‘lishga munosibdir. 29 yoshli Pike futbolchilik faoliyatini yakunlaganidan so‘ng, ko‘k-anorranglilarning prezidenti bo‘lish istagini bir necha bor oshkor qilgan edi. 

Gvardiola bir vaqtlar Pike bilan birga «Barselona»da ishlagan. «Men uning uchun ovoz bergan bo‘lardim», — deya mutaxassis so‘zlarini keltiradi AS nashri.

Manba: tribuna.uz