Xitoyda birdaniga 13 ta yo‘l-transport hodisasi sodir bo‘ldi, qurbonlar bor

Xitoyning Shandun viloyatidagi shosseda ro‘y bergan birdaniga 13 ta yo‘l-transport hodisasi oqibatida kamida besh kishi halok bo‘ldi, 25 nafar inson jarohatlangan. Bu haqda «Sinxua» agentligi mahalliy hukumatga asosan xabar bermoqda.

Aniqlashtirilishicha, halokatlar Pekin-Shanxay avtomobil yo‘lining Tsziyan aholi punkti yaqinidagi qismida ro‘y bergan. Unga noqulay ob-havo sharoiti sabab bo‘lgani aytilmoqda – bu vaqtda qor aralash yomg‘ir yoqqan.

To‘rt kishi voqea joyida halok bo‘ldi, yana bir nafar inson kasalxonada hayotdan ko‘z yumgan. Jarohatlanganlarning ahvoli barqaror deb baholanmoqda, ularga barcha kerakli yordam ko‘rsatilgan.

Voqea sabablari tekshirilmoqda.