AQShda CNN’ning Trampning o‘ldirilishi mumkinligi haqidagi syujyeti tanqidga uchradi

AQShlik ekspertlar CNN telekompaniyasining 19 yanvardagi syujyetini tanqid qilmoqdalar. Syujyetda AQShning yangi prezidenti Donald Trampning o‘ldirilishi mumkinligi taftish qilib chiqilgan. 

Telekanal bu syujyetda agar Tramp va vitse-prezident Mayk Pens 20 yanvardagi inauguratsiya marosimida o‘ldirilsalar nima yuz berishini batafsil taftish qilgan. "Agar bo‘lg‘usi prezident va uning yaqin safdoshlari birinchi kuniyoq yer yuzidan yo‘q qilib yuborilsalar nima bo‘ladi?", deb savol bilan yuzlangan efirda boshlovchi Vulf Blittser. Reportaj muallifi Brayan Todd bu holatda Barak obamaning ma'muriyatidan kimdir prezident bo‘lishi haqidagi xulosaga kelgan.

AQShning ichki xavfsizlik vazirligining sobiq xodimi, "Siyosat ortida" dasturi boshlovchisi Jastin Rassell OAV bekorga bunday "qiyomat qoyim ssenariysini" avj oldirayotgani va marosim risoladagidek o‘tishini aytmoqda.

"Bu marosimga ichki xavfsizlik vazirligi, mudofaa vazirligi, huquq-tartibot muassasalari kuchlari jalb qilingan. Bu inauguratsiya hokimiyat biror-bir zo‘ravonliksiz topshirilgan 55 inauguratsiyaning davomi. Ertangi tadbirda qiyomat qoyim ssenariysi yuz berishi haqidagi gaplar bu xom xayol, nosog‘lom gaplardir. Bu yuz bermaydi", deb aytdi Rassell RIA “Novosti” axborot agentligiga. "Bu ssenariy yuz berishidan meni AQSh prezidenti sifatida qasamyod qilishim ehtimoli kattaroqdir", deb qo‘shimcha qildi mutaxassis. 

AQShning sobiq diplomati Jim Jetras bu "xayollarni" jiddiy qabul qilish kerakligni aytmoqda. "Men bunday chayqovchiliklarni o‘ta jiddiy qabul qilaman. Tramp bizning galaktikamiz tarixida yomonotliq qilish bo‘yicha eng ekstremal kampaniya markaziga tushib qoldi. Agar insonni ma'nan yo‘q qilishning iloji bo‘lmasa, unda keyingi chora – impichment shaklidagi siyosiy qotillik bo‘lishi mumkin va bu haqda gaplar allaqachon boshlangan. Agar ma'nan ham, siyosiy yo‘l bilan ham yo‘q qilib bo‘lmasa, unda keyingi qadam – jismonan yo‘q qilish", deb hisoblamoqda mutaxassis. "Trampni yomonotliq qilishgandan tashqari, uning o‘ldirilishi ssenariylari aql bovar qilmas narsani ham mumkinga aylantiradi. Yoki ruhiy beqaror odamlarga qandaydir g‘oyalar berishi mumkin", deb qo‘shimcha qildi Jetras.