7 ta musulmon davlat fuqaroligiga ega shveysariyaliklarga AQShga kirishga ruxsat beriladi

Shveytsariya tashqi ishlar vazirligi Iroq, Eron, Suriya, Liviya, Sudan, Somali va Yaman fuqaroligiga ega shveysariyaliklar AQShga kirish uchun amaldagi vizalari mavjud bo‘lsa, bu mamlakatga muammosiz kira oladilar, deb ma'lum qildi. Bu haqda Reuters axborot agentligi xabar bermoqda. 

"Ikkita fuqaroligi bor hamda Iroq, Eron, Suriya, Liviya, Sudan, Somali va Yaman fuqarolari bo‘lgan shveysariyaliklarga ularning Shveytsariya pasportlarida amaldagi AQSh vizasi bo‘lsa, yana AQShga borish ruxsat etiladi va bu qaror zudlik bilan kuchga kiradi", deyilgan xabarda.