Dekabr oyida Donald Tramp AQSh prezidenti etib saylanganidan keyin xomashyoning birja baholari o‘sdi, zero u tomondan va'da qilingan infratuzilma rivoji xom ashyo bozorida, jumladan qo‘rg‘oshin, palladiy va misga talabning haddan ziyod o‘sishiga olib keldi. InsiderPro shu haqida ma'lumot taqdim etdi.
Yanvar oyida tovarlarning yuqorida qayd etilgan turlari keskin qimmatlashdi, neft va boshqa energiya uzatuvchilar esa Trampning burg‘ulashga cheklovni kamaytirishga doir va'dasi fonida arzonlashdi. Shunday bo‘lgan taqdirda, shundoq ham to‘lib bo‘lgan bozorga tovar yetkazishning oshishini kutish mumkin.
Tayler Richi, The 7:00's Report hammuharriri shunday deydi:
"Narxlarning har tomonga harakatlanishi - metall narxining o‘sishi va energiya uzatuvchilar bahosining pasayishi shunga olib keldiki, xom ashyo indeksi oy oxiriga borib, deyarli avvalgi ko‘rsatkich darajasida qoldi".
31 yanvar holatiga ko‘ra, 22 xom ashyo fyuchers shartnomalarini kuzatuvchi Bloomberg Commodity indeksi yil boshidan atigi 0,1 foiz to‘plagan - u sekinlik bilan bo‘lsa-da, uch oy ketma-ket o‘sib bormoqda.
23 xom ashyo fyuchers shartnomalarini kuzatuvchi Dow Jones Commodity xom ashyo indeksi esa bir oy ichida 0,1 foizdan ko‘proqqa pasaydi.
S&P Dow Jones Indices'ning xom ashyo tovarlari va ko‘chmas mulk bo‘limi rahbari Jodi Ganzberg shunday deydi:
"Hozircha xom ashyo bozoridagi o‘zgarishlarni Trampga bog‘lash qiyin chunki u 20 yanvardagina lavozimga kirishdi, biroq aftidan, neft bahosiga ta'sir o‘tkazuvchi fundamental omillar qazib olish hajmiga bog‘liq ko‘rinadi".
FactSet ma'lumotlariga ko‘ra, yanvar oyida xom ashyo tovarlari orasida eng katta o‘sish ko‘rsatkichlari qo‘rg‘oshin fyuchetrslari bo‘yicha qayd qilingan.
Ganzbergning so‘zlariga ko‘ra, qo‘rg‘oshin odatda "zaif dollar tufayli hammasidan ko‘p qimmatlashadi". Uning ta'kidlashicha, yanvarda qo‘rg‘oshin indeksi 16 foizdan ko‘proqqa oshdi - 2010 yilning iyulidan buyon bunday oylik o‘sish kuzatilmagan edi.
FactSet ma'lumotlariga ko‘ra, yanvar oxiriga borib, platina va palladiy fyucherslari ham 10 foizdan ko‘proqqa qimmatlashgan, mis esa - deyarli 9 foizga. Oltin fyucherslari 5 foizdan ko‘proqqa ko‘tarildi - bu iyun oyidan buyon eng katta oylik ko‘rsatkich, kumush esa sentabrdan beri birinchi marta deyarli 10 foizga yaqin o‘sgan.
Richining so‘zlariga ko‘ra, siyosiy fon sanoat xom ashyosi uchun ijobiyligicha qolmoqda.
Qimmatbaho metallar, xususan oltin, Trampning xatti-harakatlari ta'siri ostidagi dollar va boshqa aktivlarga nisbatan yuqori darajadagi korrelyatsiyada savdo qilinmoqda, deydi Richi. Dollarning 6 valyutaga nisbatan qiymatini ko‘rsatib beruvchi ICE U.S. Dollar indeksi bir oyda 2,6 foizga pasaygan. Oltin narxi dollarda belgilanadi, demakki, u boshqa valyuta egalari uchun arzonlashgan.
Sanoat xom ashyosi uchun iqtisodiy faollik va infratuzilma xarajatlarining o‘sishi trendning yuksalishiga olib keladi. Bu energiya uzatuvchilar va neft mahsulotlariga bo‘lgan so‘rovga ham tegishli.
Shunga qaramay, so‘nggi oy ichida tabiiy gazning fyuchers narxlari taxminan 16 foizga pasaydi, West Texas Intermediate nefti esa - deyarli 25 foizga.
Libertas Wealth Management Group prezidenti Adam Koosning so‘zlariga ko‘ra, neft narxlari yo‘nalishini oldindan aytish qiyin, zero bu Trampning taxmin ham qilib bo‘lmaydigan xatti-harakatlariga bog‘liq.
