Erdo‘g‘an Moskvaga qachon kelishi ma'lum qilindi

Turkiya prezidenti Rajab Toyyib Erdo‘g‘an Moskvaga mart oyining birinchi yarmida rasmiy tashrif bilan keladi. Bu haqda Rossiyadagi elchi Husayn Diryoz «Interfaks»ga bergan intervyusida aytib o‘tdi.

«Prezident Rajab Toyyib Erdo‘g‘anning Moskvaga tashrifi martning birinchi yarmida amalga oshirilishi kutilmoqda. Tashrif davomida uning Rossiya prezidenti Vladimir Putin bilan so‘nggi yarim yil davomidagi to‘rtinchi uchrashuvi bo‘lib o‘tadi», - dedi diplomat.

Uning so‘zlariga ko‘ra, Putin bilan muloqot davomida Rossiya-Turkiya munosabatlarini yaxshilash bo‘yicha masalalar muhokama etiladi. Shuningdek, boshqa sohalardagi ikki tomonlama hamkorlik haqida to‘xtalib o‘tilishi mumkin.

Avvalroq Rossiya prezidenti matbuot kotibi Dmitriy Peskov Turkiya yetakchisi Toyyib Erdo‘g‘an Moskvaga mart boshida tashrif buyurishni rejalashtirayotganini tasdiqlagandi. U Rossiya rahbari Vladimir Putin bilan oliy darajadagi Rossiya-Turkiya hamkorlik kengashi yig‘ilishini o‘tkazadi.