Sharjadagi savdo markazida ayollarni tasvirga olgan kishi qo‘lga olindi

Sharjaning sharqiy qismi politsiyasi savdo markazida ayollarni kuzatib, ularni o‘z mobil telefoniga suratga olgan kishi qo‘lga oldi. Bu haqida GulfNews nashrida xabar berildi. 

Politsiya bergan ma'lumotga ko‘ra, mazkur voqea Xurfakon shahrida sodir bo‘lgan. 

Xurfakon politsiyasi ayollarni kuzatib, o‘zini shubhali tutgan osiyolik kishi haqida ma'lumot olgan. 

Amirlik fuqarolaridan biri noma'lum kimsaning savdo markazi do‘konlari bo‘ylab yurib, mobil telefonida ayollarni tasvirga olib yurganiga guvoh bo‘lgan. Shundan so‘ng politsiyaga murojaat qilgan. 

Politsiya gumondorni darhol qo‘lga olgan. Ayblanuvchi ayol xaridorlarni tasvirga olganiga iqror bo‘lgan. Videolar tortib olingan.