Oyoqqa "tirmashishni" xush ko‘radigan panda internet yoqimtoyiga aylandi 

Internetda zoomarkaz xodimi oyog‘ini qo‘yib yuborishni hech ham xohlamayotgan panda bolasi tasvirlangan video ommaviylashmoqda. 

Mashable nashri ma'lumotlariga ko‘ra, videoda Xitoydagi katta pandalarni ko‘paytirish markazida yuz bergan voqea tasvirlangan. Videoda panda uning voleriga kirgan xodim oyog‘iga "tirmashib olgancha yurishni" xush ko‘rishiga guvoh bo‘lish mumkin. Xodim voler bo‘ylab ishlarini qilar ekan, panda uning oyog‘ini mahkam quchoqlagancha, u bilan birga yuraveradi. Markaz xodimi uni oyog‘idan ajratishga harchand urinmasin, uning bu urinishlari zoye ketadi: "yopishqoq" panda oyoqlarni mahkam ushlagancha yurishni davom ettiraveradi.