Fiyonning rafiqasi hibsga olindi. U prezidentlik poygasini tark etadimi?

Fransiya prezidentligiga eng yirik muxolif partiya – “Respublikachilar”dan nomzod bo‘lgan Fransua Fiyon prezidentlik poygasidan chiqmasligi haqida ma'lum qildi. Bu unga ayblovlar qo‘yilishi mumkinligiga yuz berdi.

"Ha, men prezidentlik lavozimi uchun nomzod bo‘lib qolaman", - deya aytib o‘tdi Fiyon jurnalistlar oldidagi chiqishida.

Biroq Figaro gazetasining partiyadagi manbalarga asosan xabar berishicha, u saylovoldi poygasidan voz kechishi ham mumkin. 

Shu bilan birga, sobiq hukumat rahbarining o‘rniga kim nomzod bo‘lishi noma'lum. Nashr ma'lumotiga ko‘ra, Fiyon o‘z o‘rnini boshqa bir sobiq bosh vazir - Alen Jyuppega taklif qilishga tayyor, biroq bunga mamlakat sobiq prezidenti Nikolya Sarkozi qarshi chiqmoqda.

Fiyonning o‘zi 15 mart kuni sudga kelish haqida chaqiruv xati olganini tasdiqladi hamda Fransiya prezidenti kim bo‘lishini faqatgina saylovchilar hal qilishi kerakligini ta'kidlab o‘tdi.

Fiyon va uning rafiqasiga nisbatan tekshiruv ishlari yanvar oyi oxirida boshlandi. Sobiq bosh vazir agarda tergov ishiga jalb etilsa, saylovlardan o‘z nomzodini olishini ma'lum qilgandi, biroq bu holat mamlakatda rejim inqirozi boshlanishiga olib kelishini ko‘p bora iddao qilgan.

Penelopa Fiyon bilan bog‘liq mojaro u sakkiz yil davomida parlamentariy Fransua Fiyonning yordamchisi sifatida ish haqi olgani haqida xabarlar e'lon qilinganidan so‘ng avj oldi. U parlamentariylar xizmatini to‘lashga mo‘ljallangan jamg‘armalardan mablag‘ olgan. Xuddi shunday ayblovlar Fiyonning ikki farzandiga ham tegishli bo‘ldi.

Avvalroq Fransua Fiyonning rafiqasi Penelopa Fiyon qo‘lga olingani hamda qamoqqa joylashtirilgani haqida xabarlar tarqalgandi.