Meksikaning Mexikali shahrida politsiya vertolyoti falokatga uchrashi oqibatida 4 kishi halok bo‘ldi.
Huquq-tartibot muassasalari ma'lumotlariga ko‘ra, vertolyot parragi bilan simga tegib ketishi oqibatida uchuvchi boshqaruvni yo‘qotgan va vertolyot yerga qulab, portlab ketgan.
Ta'kidlanishicha, vertolyot mahalliy tog‘lardan biriga chiqish vaqtida yo‘qolib qolgan ayolni qidirish operatsiyasini olib borayotgan bo‘lgan.
