«Barselona» sport direktori Roberto Fernandes keyingi mavsumda kim jamoani boshqarishi haqidagi mish-mishlarga izoh berdi. Xususan, u «Yuventus» ustozi Massimiliano Allegri bilan muzokaralar o‘tayotganini rad etdi.
«Men futbolchilar bilan yangi murabbiy haqida gaplashmadim va gaplashmayman ham. Hamma joyda mish-mish. Xuan Karlos Unsue klubni, o‘yinchilarni yaxshi biladi, shuning uchun u bosh murabbiy sifatida ishlashga tayyor. Ernesto Valverdeda bir necha yaxshi mavsumlar bo‘ldi – faqatgina „Atletik“ bilan emas. Allegriga kelsak, uning „Barselona“ga kelishi haqidagi gap-so‘zlar asossiz», - deya Fernandesning so‘zlarini keltiradi Marca nashri.
