APL. Ibrahimovichning 94-daqiqada penaltidan kiritgan goli «Manchester Yunayted»ni mag‘lubiyatdan qutqarib qoldi

Angliya premer-ligasining 31-turidan o‘rin olgan markaziy uchrashuvlardan biri «Old Trafford»da bo‘lib o‘tdi.

Unda «Manchester Yunayted» «Everton»ni qabul qilib, so‘nggi soniyalarda mag‘lubiyatdan qutulib qoldi. Uchrashuvning 22-daqiqasida Fil Jagelka tomonidan kiritilgan gol mehmonlarni hisobda oldinga olib chiqqandi. Ikkinchi bo‘limga hakam tomonidan qo‘shib berilgan 4-daqiqada Uilyams jarima maydoni ichida to‘pni qo‘li bilan o‘ynadi. Hakam unga qizil kartochka ko‘rsatish bilan birga penalti belgiladi. Zlatan Ibrahimovichning 11 metrlik jarimadan bergan aniq zarbasi o‘yinni durang natija bilan tugashiga sabab bo‘ldi.

Ushbu durangdan keyin «Manchester Yunayted» hisobidagi ochkolar soni 54taga yetdi va jamoa 5-o‘rinda qoldi. «Everton» esa 51 ochko bilan 7-o‘rinda bormoqda.

APL, 31-tur
Manchester Yunayted – Everton 1:1 (0:1)
Gollar: Ibrahimovich (90+4, penalti) – Jagelka (22).
Manchester Yunayted: De Xea, Blind (Pogba, 46), Roxo, Bayi, Fellayni, Yang (Shou, 65), Errera, Kerrik (Mxitaryan, 65), Lingard, Ibrahimovich, Reshford.
Everton: Robles, Xolgeyt, Uilyams, Beyns, Djagelka, Berri, Guyye, Barkli (Kelvert-Lyuin, 80), Devis, Miralyas (Pennington, 67), Lukaku.
Ogohlantirishlar: Guyye (45), Berri (54), Yang (57), Devis (88).
Chetlatish: Uilyams (90+3, Everton).