Kaliforniyadagi maktabda sodir etilgan otishma vaqtida 2 kishi halok bo‘ldi

Kaliforniya shtatining San-Bernardino okrugidagi North Park boshlang‘ich maktabida sodir etilgan otishmada ikki kishi halok bo‘lgan. Jinoyatchi o‘z joniga qasd qilgan. Bu haqda mahalliy politsiya boshlig‘i ma'lum qildi. 

Avvalroq 4 kishi jarohatlangani ma'lum qilingandi. 

"Biz bu qotillik va o‘z joniga qasd qilish bo‘lgan, deb hisoblaymiz", deb aytdi mahalliy politsiya boshlig‘i Jarred Berguan tvitterda. Uning ma'lumotlariga ko‘ra, otishma sinfda sodir etilgan. Oqibatda 2 nafar katta yoshli kishi halok bo‘lgan. Ikki nafar o‘quvchi shifoxonaga yetkazilgan.  

"Keyingi xavf yo‘q" deb yozdi Berguan va politsiya voqea joyida ish olib borayotgani, o‘quvchilar yaqin oradagi maktab binosiga evakuatsiya qilinganlarini ta'kidlab o‘tdi. 

Otishma haqidagi xabarlar tarqalgandan keyin o‘q uzgan kimsa bartaraf etilgani ma'lum bo‘lgan. 

AQShdagi boshlang‘ich maktabga 5 yoshdan 12 yoshgacha bo‘lgan bolalar qatnaydilar.