Ota farzandlariga o‘rnak ko‘rsatish maqsadida topib olgan 14 ming dollarni egasiga qaytarib berdi

2017 yilning 8 aprel kuni AQShning Ohayo shtatidagi Kolumbus shahrilik Jyeyk Bauers rafiqasi va ikki nafar farzandi bilan dam olish uchun yo‘lga chiqdi, biroq yo‘l yoqasida g‘alati sumkani payqab qolgan. Uning WBNS-TV telekanaliga bergan intervyusida aytishicha, sumkaning ichida kimnidir noutbuki bo‘lish mumkin deb o‘ylagan, shuning uchun rafiqasidan mashinani to‘xtatishni so‘radi. Biroq keyinchalik ma'lum bo‘lishicha, sumka yuz dollarlik pul qog‘ozlari bilan to‘la bo‘lgan.

Bauersning so‘zlariga ko‘ra, taxminan 14 ming dollarni va hujjatlar bo‘lgan hamyonni topib oldi. Jyeyk topilma – “bolalar uchun yaxshi o‘rnak ko‘rsatishga qulay imkoniyat bo‘lishini” his etdi hamda pullarni darhol politsiya bo‘linmasiga olib borgan.

“Bu mablag‘lar bizga mashinaga olingan kreditni qoplashga yoki ta'tilga chiqishga yordam berishi mumkin edi, biroq kimgadir ular oziq-ovqat mahsulotlariga ham kerak bo‘lishi mumkin”, - deya aytib o‘tdi Jyeyk Bauers.

Topilgan hujjatlar politsiyaga sumka egasi bilan bog‘lanishga imkon berdi. O‘sha kuni u avtomobillar sotuvchisining yoniga ketayotgan bo‘lgan, biroq pullarini o‘z mashinasi tomida unutib qoldirgan deb o‘ylagan, aslida esa mablag‘lar yo‘lda tushirib qoldirilgan ekan.