Xitoy besh yil ichida 50 transchegaraviy ilmiy-tadqiqot markazini ishga tushiradi

Xitoy hukumati yaqin besh yilda xalqaro innovatsion jarayonlarni rag‘batlantirish maqsadida "Bir makon, bir yo‘l" sohasida 50 transchegaraviy ilmiy-tadqiqot markazini yaratishni rejalashtirmoqda. Bu haqida "Bir kamar - bir yo‘l" forumi ochilishida XXR raisi Si Tszinpin ma'lum qildi. 

"Xitoy innovatsiyalar sohasida boshqa mamlakatlar bilan hamkorlikni faollashtirishdan, "kamar va yo‘l" ilmiy-texnik mexanizmini ishga tushirishdan manfaatdor, - dedi Xitoy yetakchisi. - Shu maqsadda boshqa mamlakatlar bilan hamkorlikda 50 ilmiy markaz yaratiladi".

Uning so‘zlariga ko‘ra, yaqin besh yilda Xitoy bu maqsad yo‘lida 2,5 mingdan ziyod yosh xorijiy ilmiy mutaxassisni jalb qiladi, ular qisqa muddatlarda tadqiqot loyihalarini amalga oshirishga kirishadi. XXR hukumati shuningdek ilmiy-texnik sohaga ixtisoslashgan 5 mingga yaqin boshqaruvchini tayyorlash niyatida. 

XXR Davlat kengashi vitse-premeri Chjan Gaolining ta'kidlashicha, Xitoy hukumati yaqin besh yilda mamlakatga olib kirilayotgan tovarlar importi 8 trillion dollarni tashkil qilishini prognoz qilmoqda. 

"Kelgusi besh yilda Xitoy 8 trillion dollarlik tovarlarni import qiladi, 600 milliard dollarlik sarmoyalarni jalb qiladi va xorijga 700 million safar uyushtiradi", - dedi u.