08:23 / 22.05.2017
5135

Tramp Afg‘oniston prezidenti bilan terrorchilikka qarshi kurashni muhokama qildi

Foto: AFP 2017 / Saul Loeb

AQSh prezidenti Donald Tramp 21 may kuni Afg‘oniston prezidenti Ashraf G‘ani bilan uchrashdi, deb xabar bermoqda Oq uy. 

Uchrashuv AQSh va musulmon davlatlari sammiti bo‘lib o‘tgan Ar-Riyodda o‘tdi.

"Tramp prezident G‘anining Afg‘onistonda terrorchilikka qarshi kurash va muhim islohotlarni amalga oshirishdagi boshqaruvchi rolini qutladi. U o‘z davlati uchun kurashayotgan afg‘on xavfsizlik kuchlarining jasurona xizmatini maqtadi", deyildi Oq uy bayonotida.  

NBC telekompaniyasi Pentagondagi manbaga iqtibos keltirgan holda Afg‘onistondagi amerikalik harbiylar sonining 5 ming kishiga oshirilishi mumkinligini ma'lum qilgandi. Oxirgi 4 yilda amerikalik harbiylarning Afg‘onistondagi soni 120 mingdan 9 minggacha tushib ketgan. Pentagonning ta'kidlashicha, qo‘shimcha harbiylarni yuborish qarori hali qabul qilinmagan.

Top