Foto: Olmazorda muqaddam sudlangan shaxs marixuanna bilan ushlandi

2017 yilning 24 may kuni taxminan soat 23:30 da, Olmazor tumani hududida o‘tkazilgan “Qoradori 2017” tadbiri davomida, muqaddam sudlangan Javdat Xasbullayevich Aytkulov og‘irligi 265.18 gramm “marixuanna” giyohvandlik moddasini saqlab kelayotganligi aniqlanib, daliliy ashyo sifatida olingan. Bu haqda Toshkent shahar Ichki ishlar bosh boshqarmasi xabar berdi.

Mazkur holat yuzasidan Olmazor tumani IIB huzuridagi Tergov bo‘limi tomonidan O‘zbekiston Respublikasi JKning 276-moddasi 2-qismi “a,b” bandlari (giyohvandlik vositalarini o‘tkazish maqsadini ko‘zlamay, ko‘p miqdorda qonunga xilof ravishda, ilgari giyohvandlik moddalari bilan muomala qilishdan iborat jinoyatni sodir etgan shaxs tomonidan saqlash) bilan jinoyat ishi qo‘zg‘atilgan. 

Aytkulovga nisbatan qamoqqa olish tarzidagi ehtiyot chorasi qo‘llanilgan.