BAA milliy aviakompaniyasi Qatarga barcha reyslarni to‘xtatdi

Foto: Reuters

Birlashgan Arab Amirliklarining Etihad Airways milliy aviakompaniyasi Qatarga bo‘lgan barcha reyslarini to‘xtatdi. Bu haqda Reuters xabar bermoqda.

Aniqlik kiritilishicha, Etihad Airways’ning Qatarga so‘nggi samolyoti mahalliy vaqt bilan soat 2.45 da parvoz qiladi.

Ma'lum bo‘lishicha, bunday qaror BAA Qatar bilan diplomatik aloqalarni uzganidan so‘ng qabul qilingan.

Avvalroq Saudiya Arabistoni, Misr, Bahrayn va Birlashgan Arab Amirliklari mintaqani beqarorlashtirayotganlikda ayblab, Qatar bilan diplomatik aloqalarni uzgani haqida xabar bergandik.

Tayyorlagan Отабек Матназаров

#BAA #Qatar #Etihad Airways

Fors ko‘rfazida jiddiy siyosiy inqiroz yuzaga keldi. Saudiya Arabistoni, Misr, Bahrayn, BAA, Yaman, Liviya va Maldiv boshqa bir arab davlati Qatar bilan diplomatik aloqalarni uzdi. Bunga Qatar Eronni va terrorizmni qo‘llagani sabab sifatida ko‘rsatilmoqda.