«Real»ning portugaliyalik himoyachisi Pepe yozda klubni tark etayotganini tasdiqladi. Bu haqda Ispaniyadagi AS nashri xabar tarqatgan.
Pepe «Real» safida 2007 yildan buyon to‘p surib keladi. Uning so‘zlariga ko‘ra, rahbariyat 1 yillik shartnoma taklif etgan, ammo u ketishga qaror qilgan.
Portugaliyalik futbolchi unga Italiyaning «Inter», Fransiyaning «Pari Sen-Jyermen» va APLning bir qator klublaridan takliflar mavjudligini ma'lum qilgan.
12 yil davomida «Real» sharafini himoya qilgan futbolchi o‘tgan vaqt ichida 331 uchrashuvda maydonga tushgan va madridliklar raqiblari darvozalariga 15ta gol yo‘llagan. U uch karra Ispaniya chempioni, ikki karra mamlakat Kubogi va Superkubogi sohibi hamda 3 karra Chempionlar ligasi g‘olibi hisoblanadi. Pepe jamoa bilan ikki martadan UYeFA Superkubogi hamda klublar o‘rtasidagi jahon chempionatida g‘olib chiqqan.
