Nazarboyev Qozog‘istonning asosiy iqtisodiy sherigi qaysi davlat ekanini aytdi

Qozog‘iston rahbari Nursulton Nazarboyevning ma'lum qilishicha, Xitoy Qozog‘istonning asosiy iqtisodiy sherigiga aylandi. Bu haqda TASS xabar bermoqda.

«Xitoy iqtisodiyotda to‘g‘ridan-to‘g‘ri xorijiy sarmoyalar hajmi, berilgan kreditlar va qo‘shma korxonalar bo‘yicha Qozog‘istonning asosiy sherigiga aylandi. Biz energetik hamkorlik masalalarini hal etdik – Qozog‘istonda qazib olinuvchi neftning 25 foizi Xitoy kompaniyalari tomonidan ishlab chiqarilmoqda. Hozirda ular shartnomalarni uzaytirish haqida masalani qo‘yishdi, biz bunga jiddiy qaraymiz, sababi ular qo‘shma ishlar bo‘yicha bizning yaxshi sheriklarimiz», - dedi Nazarboyev.

Shuningdek, uning qo‘shimcha qilishicha, Ostona va Pekinda «namunali davlatlararo munosabatlar» shakllandi.