Rossiya va XXR BMT Xavfsizlik kengashining KXDRga qarshi AQSh rezolyutsiyasini qo‘llab-quvvatlamaydi. U yangi sanksiyalarni ko‘zda tutadi, deb yozmoqda "Izvestiya" gazetasi Rossiya diplomatiya doiralaridagi manbasiga tayangan holda.
Avvalroq, Assoshieyted Press agentligi ikki nafar diplomatga asoslangan holda AQSh XKning doimiy a'zolari – Rossiya, XXR, Buyuk Britaniya va Fransiyaga — KXDRga nisbatan yangi jazo choralari qo‘llashni nazarda tutuvchi rezolyutsiya loyihasini tarqatganini xabar qilgan edi. Bunga Shimoliy Koreyaning ehtimoliy qit'alararo ballistik raketa sinovi sabab qilib ko‘rsatilgandi.
"Taklif etilayotgan cheklovlar Pxenyanga energiya manbalarini yetkazish va ushbu mamlakat fuqarolarining xorijda ishlashini taqiqlashni nazarda tutadi. Hujjatni na Moskva, na Pekin qo‘llab-quvvatlaydi", — degan nashr suhbatdoshi.
Uning so‘zlariga ko‘ra, Moskva bu masalaga yondashuvini aniqlab olgan. U qo‘shimcha sanksiyalarga qarshi.
AQShning BMTdagi domiy vakili Nikki Heyli rasmiy Vashington yaqin kunlarda BMT XKga Pxenyanga javob tariqasida yangi rezolyutsiyani taqdim etishini ma'lum qilgan edi. AQSh bu mamlakatga iqtisodiy bosimni kuchaytirish niyatida. Xavfsizlik kengashining boshqa ikki doimiy a'zosi – Buyuk Britaniya va Fransiya hujjatni ma'qullagan.
Shimoliy Koreya 4 iyul kuni navbatdagi ballistik raketa sinovini o‘tkazdi. Rossiyaga ko‘ra, gap o‘rta masofaga uchadigan raketa haqida bormoqda. AQSh fikricha, u qit'alararo raketadir.
